Хортой мөөг Мөөгийг гадаад байдлаар нь таних арга Хортой мөөгний ерөнхий шинж байдал нь малгайн дээд талд толбо, хайрс байхаас гадна шилбэндээ цагирагтай, шилбэ нь нарийхан байх нь түгээмэл шинж. Ихэнх хортой мөөг эвгүй үнэртэй, малгай нь гоёмсог, тод өнгөлөг байдаг. Хортой мөөгтэй төстэй идэшний мөөгнүүд нь ихэнхдээ тэжээллэг чанар багатай байх ба 6-р сараас 9-р саррын хооронд ургадаг учир хортой мөөгтэй андуурч болохоор байдаг. Хорт мөөгийг ялган таних химийн арга: Энэ арга нь тодорхойлохоор авсан мөөгний малгайн хэсгээс нь 1,3-5,0 см зүсч аваад, сонингийн цаасан дээр зүсэгдсэн талаар нь тамгалах байдлаар дарна. Норсоэ хэсгийг балын харандаагаар тойруулж зурж тэмдэглэнэ. Үүссэн толбыг хатаагаад дээр нь шингэлээгүй давсны хүчил дусаана. Хатсан толбон дээр хүчил дусаахад үүсэх толбыг ажиглана. Ингэхэд хөх, ягаан, ягаавтар өнгөн дээр улаан толбо үүсч тодорвол уг мөөгийг хортой гэж үзнэ.