Малгай:

Дундуураа төвгөр байдалтай гадаргуу нь нягт жигд биш, өнгө нь шаравтар, малгайн зах хаяа мурий далан хэлбэртэй жигд биш байна.

Салбан:

Малгайн дор салбангийн оронд шигүү байрласан үслэгтэй. Үслэгний өнгө эхний үед цагаан дараа нь шаравтар ягаандуу болдог. Амархан хугарамтгай, бараг хуруугаараа арчилж болно.

Шилбэ:

Нилээд нягт, цагаан буюу цайвар шар өнгөтэй, малгайдаа тулсан хэсэг нь бүдүүвтэр байна.

Махлаг эд:

Огтолж үзэхэд цайвар шар өнгөтэй, сайхан анхилуун үнэртэй, хугарамтгай байдалтай.

Ургах газар:

Шилмүүст ба навчит ойд 8-р сараас 10-р сарыг дуустал хугацаанд хэсэг бүлгээр ургана.

Хүнсэнд хэрэглэх нь:

Амтын хувьд дунд зэрэгт тооцогддог мөөг юм. Хөгшрөх тусам хатуурч, амт нь гашуун болдгоос хүнсэнд 5 - 6 см хүртэл голчтой малгай бүхий залуу мөөгийг сонгож авдаг. Жигнэх байдлаар хатааж ашиглаж болно.

Мөөгний мэдээллийг бэлтгэн оруулсан:

Х.Алтанцэцэг