Малгай:

Мөөг ургах эхэн үед тал бөмбөлөг байснаа дараа нь хавтгайдуу бөмбөгөр болдог. Өнгө нь шар ногоон. Заримдаа лавс хэлбэрийн хайрстай бас хайрсгүй ч байна.

Салбан:

Цагаан өнгөтэй, шигүү салбантай.

Шилбэ:

Цагаан өнгөтэй, махлаг шилбэтэй. Хөгширсөн мөөгний шилбэний голд нарийхан хөндий үүсдэг. Шилбэ ногоовтор судлуудтай, дээд талдаа бөгжтэй, доошоогоо булцуу хэлбэрээр бүдүүрсэн байдаг ба энэ нь гадуураа хальсан ууттай.

Махлаг эд:

Огтолж үзэхэд цагаан өнгөтэй, залуу мөөг аятайхан харин хөгшин нь эвгүй үнэртэй байна.

Ургах газар:

Навчит ойд, хааяа шилмүүст ойд 7,9-р саруудад ургасан байдаг.

Хүнсэнд хэрэглэх нь:

Бохир ногоон мөөг хүний амь насанд аюул учруулах хүртэл хордуулдаг. Хүүхэл ийм мөөгний 1/3 хэмжээтэйг идвэл хордолт нь амь насанд аюул учруулна. Энэ хорт мөөг идэшний хар, ногоон түүхийдэй мөөгтэй төстэй гэдгийг анхаарах хэрэгтэй.

Мөөгний мэдээллийг бэлтгэн оруулсан:

Х.Алтанцэцэг